O Centro Asociado da UNED en Lugo acolleu este xoves a reunión ordinaria da súa Xunta Reitora, órgano de goberno do Consorcio Universitario, na que aprobaron por unanimidade as contas anuais de 2024 e fixeron fixo un balance do curso que acaba de terminar no que se rexistrou un importante crecemento na matrícula.
No balance económico, a directora do centro, Ana Belén Traseira Pena, anunciou o plan de xestión de calidade e o orzamento para o exercicio 2026, que ascende a 1.090.550,17 euros, mentres que no curso que finalizou, rexistrouse unha marca de matrícula en ensinos regulados cun total de 1.200 estudantes, e un importante crecemento en extensión universitaria ao realizarse 8.150 matrículas en 119 actividades, o que supón un incremento do 13% respecto ao curso anterior.
A directora da UNED Lugo estivo acompañada representantes institucionais como a vicerreitora de Centros Asociados da UNED, Isabel Martín del Llano; o presidente da Deputación, José Tomé; o alcalde de Lugo, Miguel Fernández Méndez; o alcalde de Foz, Fran Cajoto García; o portavoz do PTGAS, Carlos García; a representante do profesorado titor, Reyes Rodríguez, e o secretario do centro, Alejandro Prieto.
Entre os fitos máis destacados do curso que acaba, a directora subliñou a consolidación do programa de sustentabilidade LugoNaturalMente, con 77 actividades e máis de 5.100 participantes, así como a incorporación de catro traballadores en prácticas a través do programa SEPE e dous bolseiros ODS grazas ao Vicerreitorado de Sustentabilidade.
Tamén se puxo en valor o impacto do LCDPodcast, que suma xa 22 episodios, 79.000 visualizacións e máis de 13.000 subscritores, así como a activa participación da UNED de Lugo en programas como STEMBach, o ciclo UNED Sen Fronteiras e a consolidación da súa estratexia de Aprendizaxe-Servizo (ApS), con momentos destacados como o I Congreso Internacional de ApS en contornas dixitais.
Entre os eventos institucionais máis relevantes do curso figuran as XXXVIII Xornadas Penais Lucenses Concepción Arenal, as XVII Xornadas Xurídicas Román García Varela e o recoñecemento de LugoNaturalMente como un do dez mellores proxectos do certame nacional ‘Europa se siente’.
Un dos acordos crave da reunión foi a substitución na presidencia do Consorcio Universitario, que pasa do Concello de Lugo á Deputación de Lugo, segundo o sistema rotatorio bienal.
A partir de agora, a presidencia vaina exercer o presidente da institución provincial, José Tomé Roca, quen agradeceu a confianza e expresou o seu compromiso “coa educación superior pública e de calidade”.
