A Garda Civil detivo durante a madrugada deste martes a un veciño de Castro de Rei, de 29 anos, por causar cortes de diversa consideración ao seu compañeiro tras acusalo de facer moito ruído e non deixalo durmir. Está investigado como autor dun delito de tentativa de homicidio (lesións agravadas con arma branca).

Segundo informan nun comunicado, os feitos tiveron lugar no interior da vivenda que compartían vítima e autor cando, tras recriminar a vítima ao seu compañeiro que facía moito ruído de madrugada e non lle deixaba durmir, o infractor empuñou un coitelo ocasionándolle diversos cortes de consideración no corpo.

Os axentes da Garda Civil localizaron á vítima no rellano da porta de acceso á vivenda dunha veciña, coa roupa ensanguentada e con síntomas de hipotermia. Foi trasladado ao centro hospitalario, onde permane na unidade de críticos pendente de valoración para intervención cirúrxica. A persoa detida foi posta a disposición xudicial, a cal decretou o seu ingreso en centro penal.