O deputado do BNG no Congreso, Néstor Rego, esixiu ao Goberno central que “atenda á falta de garantías ambientais” do proxecto para a instalación dunha planta de xestión de residuos orgánicos e biometanización en Coeses e, se se produce algunha petición de financiamiento con cargo aos fondos europeos ou doutro tipo, “rexéitese a solicitude”.
Así rexistrou varias iniciativas na cámara baixa para reclamar ao Executivo central unha “análise en profundidade” dos “efectos negativos” sobre o medio, aos recursos hídricos e aos veciños deste proxecto.
Nun comunicado, o BNG explicou que quere coñecer a posición do Goberno central despois de que a Xunta declarase este proxecto como “iniciativa empresarial prioritaria”, unha resolución que permite a “simplificación e axilización” dos trámites administrativos.
Desde que se publicou o proxecto e comezou o período de alegacións, os veciños de Coeses, mobilízanse pola “grave afectación” que a posible construción da planta terá nos seus fogares.
“Trátase dunha actividade potencialmente contaminante e con malos cheiros recoñecidos que vai ser instalada a moi pouca distancia das vivendas”, sinalou Néstor Rego.
