- Advertisement -
O busto do ex presidente popular da Xunta de Galicia, Manuel Fraga Iribarne, situado no municipio lucense de Vilalba foi vandalizado, esta vez con adhesivos e algunha pintada.
Así o denunciou o PP de Vilalba, que condena “enerxéticamente” estes actos. Segundo informan nunha nota, este mércores apareceron sobre o busto localizado na alameda Basanta Olano, adhesivos con “consignas e símbolos independentistas”. Isto ocorre, ademais, en plenas festas patronais.
Os populares esperan que todas as formacións políticas de Vilalba condenen o ocorrido. “Os representantes políticos debemos defender o civismo“, afirmou. Os concelleiros populares pediron ao Goberno local bipartito que investigue os feitos.
