Efectivos da Policía Local de Lugo localizaron a última hora do sábado a un condutor sen carné que circulaba a gran velocidade pola cidade e que, para tratar de escapar dos axentes, protagonizou unha persecución. Unha patrulla da Unidade Territorial de Policía de Barrio detectou ao condutor na calzada das Gándaras, circulando “a gran velocidade”.
Iniciouse entón unha persecución, na que o vehículo policial chegou a alcanzar os 100 quilómetros por hora. O home conseguiu fuxir, aínda que foi posteriormente localizado e identificado. Os axentes comprobaron que o home carecía de permiso de conducir, porque non o obtivo nunca. Ese mesmo día, os axentes deron o alto a un vehículo na Rúa Ourense, cuxo condutor presentaba signos de atoparse ebrio. Deu un resultado positivo nas probas de 0,76 mg/l.
