Alcoa completou a adquisición de Alumina Limited, un movemento estratéxico que permite á firma reforzar o seu liderado no mercado produtivo de aluminio, segundo informou Alcoa, que desta forma faise co 100% do complexo de San Cibrao, municipio de Cervo. Así, coa adquisición de Alumina, a multinacional con sede en Pittsburgh faise coa totalidade da empresa conxunta Alcoa World Alumina and Chemicals (AWAC), xa que ata agora tiña unha participación do 60%.

PRINCIPAIS BENEFICIOS DA COMPRA

A firma sosteñen no seu comunicado que coa adquisición de Alumina consolida a posición de Alcoa como “principal provedor mundial” de alúmina, polo que mellora a súa vantaxe competitiva en mercados clave.

Ademais, aumenta a exposición económica de Alcoa ao seu negocio principal, de primeiro nivel, de bauxita e alúmina, e ofrece aos accionistas de Alumina exposición ao negocio mundial de aluminio de Alcoa, segundo defendeu a firma no seu comunicado.

Doutra banda, a empresa tamén resalta a consecución dunha maior flexibilidade operativa e estratéxica, que axudará a reforzar as operacións da multinacional en Australia Occidental.