- Advertisement -
A Policía Local de Lugo identificou na tarde deste luns a un home de mediana idade que se masturbaba dentro dun vehículo estacionado na vía pública.
Segundo indicou o corpo, unha patrulla da Unidade Territorial de Policía de Barrio desprazouse na tarde do luns á Avenida da Coruña, tras recibir unha alerta pola presenza dun home, supostamente masturbándose, dentro dun vehículo.
No lugar, os axentes localizaron o vehículo estacionado e observaron como un home estaba recostado na parte posterior do turismo cos xenitais ao descuberto. Os axentes procederon á identificación desta persoa, levantando acta de intervención para a súa remisión á Autoridade competente pola execución de actos de exhibición obscena.
