InicioEconomíaNova oficina do SEPE en Lugo, pola que pasarán 27.000 veciños ao...

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na cidade, cuxas instalacións foron visitadas este luns polo delegado do Goberno en Galicia, Pedro Blanco, e pola alcaldesa Paula Alvarellos.

PUBLICADA O

- Advertisement -

A antiga Escola de Enfermaría de Lugo acolle a nova oficina do SEPE na cidade, cuxas instalacións foron visitadas este luns polo delegado do Goberno en Galicia, Pedro Blanco, e pola alcaldesa Paula Alvarellos. Na visita, Pedro Blanco puxo de manifesto que a nova oficina responde á “aposta” do Goberno por facer uns servizos públicos “adaptados ao século XXI” e agradeceu ao goberno municipal que puxese “todo tipo de facilidades” para a rehabilitación do inmoble.

Segundo lembrou o delegado, o SEPE tramita ao ano prestacións por valor de 109 millóns de euros na provincia, dos que uns 50 millóns correspóndense á cidade de Lugo. “É un servicio esencial, trátase de achegar os servizos públicos á cidadanía, de forma digna para os usuarios e para os 12 funcionarios públicos que aquí traballan”, engadiu, e explicou que estas oficinas atenderán ao ano a 27.000 persoas.

Pola súa banda, a alcaldesa agradeceu o compromiso do Goberno central, que se materializou na cesión do edificio e nun investimento de 1,2 millóns de euros para o seu acondicionamento. Respecto diso, celebrou que estas novas instalacións benefician a toda a cidade, e especialmente aos veciños da Residencia, porque a oficina do SEPE contribuirá a “dinamizar” a zona.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...