A Audiencia Provincial de Lugo reabriu a causa relativa ás ameazas de morte recibidas polo tenente de alcaldesa e portavoz do BNG no Concello de Lugo, Rubén Arroxo.
O caso fora arquivado polo xulgado de primeira instancia pero a Audencia Provincial estimou o recurso do denunciante e reabriu o procedemento.
Segundo lembraron fontes consultadas por Europa Press, os feitos tiveron lugar no verán do 2022 cando un veciño da cidade proferiu ameazas de morte a través da rede social Facebook, unhas mensaxes que, conforme apuntaron estas fontes, podíanse ler no muro do entón concelleiro do PP Óscar Poy.
Arroxo acudiu á Comisaría da Policía Nacional a denunciar os feitos. En concreto, nos comentarios líase que “había que linchar” ao portavoz do BNG.
“Vou ir a por eles e mesmo son capaz de cortarlle o pescozo a ese fillo de puta do Bloque. Que o pense, non sabe o que lle espera”, sinalaba outra das publicacións que contiña varios erros ortográficos.
