O BNG presentará unha iniciativa no Parlamento de Galicia para “defender a singularidade das titulacións, estudos e investigacións” do Campus de Lugo, da Universidade de Santiago de Compostela (USC).
Así o avanza a deputada electa por Lugo Montserrat Valcárcel, despois de que o Diario Oficial de Galicia (DOG) do pasado 8 de febreiro publicásese a acreditación do Campus da Universidade de Vigo en Ourense como campus de especialización en auga e alimentación.
Nesta orde, a Xunta explicita a súa “intención de potenciar a oferta formativa” do campus ourensán ao redor destes ámbitos, por exemplo a posta en marcha de titulacións como o grao en Enxeñaría Agraria e en Tecnoloxía dos Alimentos, así como o Máster en Viticultura e Enoloxía, entre outros.
A deputada electa do BNG, que foi vicerreitora da USC no Campus de Lugo, advirte que existe así “unha duplicidade de titulacións que ata agora nunca fora permitida pola Xunta”. Isto demostra, asegura Valcárcel, que o PP de Ourense “ten moito máis poder que o de Lugo”.
