Axentes da Policía Local de Lugo interviñeron nun operativo na madrugada deste mércores, para rescatar a un mozo que se subiu a un dos cubos da Muralla e que tiña risco de precipitarse ao baleiro.

Segundo informaron fontes policiais, o 092 recibiu un aviso para acudir á Porta do Bispo Odoario, xa que unha persoa atopábase sentada sobre o muro dun dos cubos da Muralla.

Ao chegar, localizaron a esa persoa, un mozo de 20 anos de idade e, tras tranquilizalo, conseguiron suxeitalo e retiralo do muro. Alí foi atendido polos axentes, que requiriron unha

ambulancia, na que o mozo foi logo evacuado ao HULA, onde quedou ingresado.

Por outra banda, a Policía Local tamén informou dunha intervención, na tarde do martes, nun establecemento da rúa Quiroga Ballesteros, onde unha persoa sentou no chan do local e negábase a levantarse.

Ao chegar, os axentes atoparon a esa persoa, un home en evidente estado de embriaguez, que foi auxiliado e acompañado ao exterior do establecemento, e que non necesitou asistencia sanitaria.

Finalmente, a pasada madrugada a Policía Local de Lugo foi comisionada para trasladarse á rúa Pintor Villamil, onde un home estaba a golpear as portas dos edificios. Ao chegar os axentes, identificaron a un home de 31 anos en estado de embriaguez, que estivera golpeando as portas porque “non podía abrir coas chaves que tiña“. Con axuda dos policías conseguiu identificar a porta do seu domicilio, abrir o portal e acceder á súa vivenda.