InicioLugo e contornaLugoAdxudican os contratos para a nova estación de Lugo e a variante...

Adxudican os contratos para a nova estación de Lugo e a variante de San Xiao

PUBLICADA O

- Advertisement -

O Ministerio de Transportes, Mobilidade e Axenda Urbana (Mitma) adxudicou dous contratos, cun valor global de 41 millóns deeuros, para a creación da nova estación de tren de Lugo e a prolongación da variante da Pobra de San Xiao.

Segundo informou o Ministerio, o referente á estación de tren alcanza os 22,3 millóns de euros e recolle a urbanización do entrono na zona da Praza Conde Fontao-Rúa Alta e Parque do Sacro Corazón.

O outro contrato ascende aos 18,6 millóns de euros para a prolongación de 1,6 quilómetros cara ao Leste da variante da Pobra de San Xiao e esta actuación foi adxudicada á Unión Temporal de Empresas (UTE), integrada por Comsa e Civis Global.

O proxecto da nova estación, que será compatible co tráfico ferroviario, inclúe un novo edificio de viaxeiros, un paso inferior entre plataformas, un novo paso urbano peonil, a demolición do edificio de Correos e a urbanización da contorna urbana. Para esta recibiron 20 ofertas e realizaraa a Construtora San José.

Desta forma, a actuación forma parte dos acordos alcanzados no convenio de colaboración asinado entre Adif, as Xunta e o Concello de Lugo.

En canto aos traballos de ampliación, que non afectarán á circulación ferroviaria, acollen a construción dunha nova plataforma e a conexión coa infraestrutura actual, a montaxe de vías auxiliares para situacións provisionais e de traballo, a execución e reposición de instalacións de seguridade e comunicacións, e o izado de postes de catenaria, execución e reposición da electrificación, entre outras.

ÚLTIMAS

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...

A prisión un lugués por distribución de material sexual infantil

A Policía Nacional detivo a 16 persoas por posesión e distribución de material de explotación...