Axentes da Policía Local de Lugo detiveron a un veciño da cidade como presunto autor dun delito de violencia de xénero, tras agredir supostamente á súa parella nun domicilio da cidade.

Segundo informaron fontes policiais, os feitos ocorreron na noite deste pasado luns, cando a sala do 092 recibiu un aviso para acudir a un domicilio da Avenida Vila Verde por unha agresión machista.

A muller que requiriu a presenza policial explicou aos axentes que tivera unha discusión coa súa parella e que el a empuxou e deulle un golpe nunha man, referindo dor nos dedos.

O home recoñeceu que discutira con ela, pero negou tela agredido. Os axentes procederon á súa detención, momento en que a muller sufriu un ataque de ansiedade, aínda que se negou a ser atendida polos profesionais sanitarios da ambulancia que chegou ao lugar.