A Policía Local de Lugo informou de que, na madrugada do 24 ao 25 establecéronse diversos filtros de seguridade viaria no centro urbano e que foi interceptado na Rúa Río Lor un condutor que circulaba de forma irregular. Ao darlle o alto, comprobouse que carecía de permiso ao perder todos os puntos.
Tras a ratificación deste feito, procedeuse a instruír dilixencias por un delito contra a seguridade viaria na súa modalidade de xuízo rápido e procedeuse a inmobilizar o vehículo.
Así mesmo, na Rúa San Roque deuse o alto a un vehículo, comprobando que o seu condutor presenta signos de embriaguez. Como resultado das probas deu un resultado positivo de 0,47 mg/l, polo que se lle abriu expediente sancionador con multa de 500 euros e a retirada de 4 puntos do permiso de condución. Ademais, inmobilizouse o vehículo.
Igualmente, nun control establecido na Rolda da Muralla detectouse un condutor que presenta signos de embriaguez, sendo sometido ás probas regulamentarias. Nelas, arroxou un resultado positivo de 0,68 mg/l, tras o que se lle sancionou cunha mula de 1.000 euros e a retirada de seis puntos do permiso de condución, inmobilizando o vehículo.
