A Policía Local de Lugo interceptou o xoves a un total de 39 condutores que superaban o límite máximo de velocidade, establecido en 50 kiómetros por hora (km/h). O máis rápido de todos eles ía a 112 km/h, o que lle supuxo unha multa de 600 euros e a retirada de seis puntos do carné.
Segundo o balance do corpo municipal, o cinemómetro empregado nestes dispositivos controlou a un total de 1.325 coches ao longo da xornada. Dos 39 condutores, nove excederon os 80 km/h e 19 infraccións levaron a retirada de puntos, 52 en total.
En canto aos controis de alcoholemia, unha dotación situada en Rolda dss Fontiñas detectou a un condutor que presentaba síntomas de embriaguez e que, no preceptivo test, arroxou un resultado positivo de 0,90 miligramos por litro en aire respirado, case o cuádruplo da taxa máxima permitida. Por isto mesmo, instruíronse dilixencias por un delito contra a seguridade viaria na modalidade de xuízo rápido e o coche tivo que ser inmobilizado.
Ademais, en rúa Dinán, a Policía Local indentificó a un home de 83 anos de idade ao volante que carecía do permiso de condución porque perdera todos os puntos. Así, foi trasladado á Unidade de Atesgados e contra el instrúense dilixencias por delito contra a seguridade viaria.
