A candidata do PSdeG á alcaldía de Lugo, Lara Méndez, animou a votar aos lucenses nun día “importante para Lugo e para a democracia”.

Tras exercer o seu dereito a voto, Méndez remarcou que votando elíxese o “progreso, a cidade e o futuro que se quere”.

“Parece un xesto moi sinxelo pero estamos a decidir o noso futuro e o que é mellor para Lugo, para nós e para as xeracións que veñen detrás. Así que a animar a que ninguén quede en casa”, defendeu.