O Goberno central aprobou a concesión de incentivos rexionais a un total de 45 proxectos en dez comunidades autónomas, entre elas Galicia, segundo informou Ministerio de Facenda e Función Pública. Trátase dunha iniciativa dirixida ao mantemento e a creación de emprego, explica.

No caso concreto de Galicia, a orde ministerial publicada este venres no Boletín Oficial do Estado (BOE) precisa que se trata dun proxecto, cuxo investimento ascende a 5,5 millóns de euros e onde se concederá unha subvención de 1,3 millóns. Este proxecto xerará 46 novos postos de traballo.

Este respaldo económico concédese á empresa Madrid Airport Hotels S.L., cuxo proxecto está situado no municipio de Guitiriz.