A Central de Atención ás Emerxencias-112 Galicia informou de que unha vivenda abandonada en Lugo quedou calcinada por completo. Trátase dun inmoble situado á beira doutro que ardera anteriormente. Quedou afectado na súa totalidade, pero non causou danos persoais.
O 112 Galicia recibiu o aviso preto das 20,30 horas da tarde deste venres a través das chamadas de diversos particulares nas que avisaban de que estaba a arder unha vivenda situada no paseo do río Rato, en Lugo. Desde o primeiro momento, as persoas que chamaron descartaron que houbese persoas afectadas.
Desde o 112 deuse aviso aos Bombeiros e á Policía Local de Lugo. Informouse, á súa vez, aos axentes da Policía Nacional.
Os Bombeiros traballaron no punto durante varias horas para atallar as chamas. Dez minutos antes das 23 horas deron por controlado o incendio, que queimou por completo a vivenda.
