O sindicato de enfermaría Satse alertou de que o servizo de atención primaria en Lugo presenta taxas de absentismo laboral de arredor dun 25%.

Así o manifestou o delegado en Lugo de Satse, Manuel Veiga, que sinalou que esta situación se produce como consecuencia de que o persoal sanitario atópase “ao límite”.

“As políticas, a forma de contratación, a forma de traballo a que nos someten provoca que o persoal estea inseguro e intranquilo“, incidiu o representante sindical, que puxo o acento en que isto repercute na atención que reciben os pacientes.

“A presión asistencial inflúe e ao final acabamos rebentados e collendo a baixa porque é que hai cousas que non se poden permitir. A presión é constante”, remarcou.

Como mostra disto sinalou os datos da PAC de Fingoi, na cidade de Lugo, no que son atendidos diariamiente “entre 180 e 200 pacientes”, unha cifra que Veiga considera “moi elevada” para un centro que conta con tres equipos en funcionamento durante o día e dous pola noite.