A comunidade colombiana que reside en Lugo convocou unha concentracion para este domingo 4 de decembro en condena polo crime de Cristina Cabo Buján, cuxo cadáver foi achado o domingo no seu domicilio con evidencias de recibir múltiples coiteladas.

O acto terá lugar o domingo ás 12,00 horas na Praza Maior da cidade da muralla, segundo difundiron en redes sociais.

O presunto autor do crime de Cristina Cabo é un home de 32 anos e de nacionalidade colombiana.

Precisamente, desde o ámbito da investigación resaltouse que o papel da comunidade colombiana foi clave no esclarecemento do homicidio.

De feito, fontes coñecedoras do caso apuntaron que foi a propia contorna do home –-que levaba desde setembro residindo en Lugo— quen lle puxo no foco.