Un incendio no exterior dunha nave de reparacións situada no polígono de O Ceao, en Lugo, calcinou dúas cabeza tractoras, unha furgoneta e un par de coches.

Segundo trasladou o 112 Galicia, o suceso produciuse sobre as 19.30 horas deste sábado. A esa hora, veciños e viandantes puxéronse en contacto co Centro Integrado de Atención ás Emerxencias de Galicia para alertar do lume preto dunha nave industrial. Ademais, a columna de fume negro era visibile desde distintos puntos da cidade.

Con esta información, os operadores do 112 mobilizaron ata o lugar aos Bombeiros de Lugo e aos axentes da Policía Local, así como ao Servizo de Urxencias Sanitarias de Galicia-061, aínda que, finalmente, ninguén necesitou atención sanitaria.