Unha muller quedou atrapada este mércores tras chocar o vehículo no que viaxaba cun camión de caixa pequeno na N-540, en Orzabai (Lugo). Segundo informa o 112, o choque produciuse pasadas as 8,00 horas, tal e como indicaron os particulares que contactaron co servizo para pedir axuda. Os Bombeiros de Lugo foron os encargados de liberar á muller. Solicitouse ademais a intervención do 061, que ofreceu os primeiros coidados á ferida en canto os bombeiros sacárona do coche.

En canto ao condutor do camión, tamén sufriu diversas lesións, polas que será tratado no centro hospitalario de referencia. Ademais, o impacto entre os dous vehículos provocou a paralización completa da circulación, polo que desde o 112 Galicia tamén se pediu a colaboración dos axentes da Garda Civil de Tráfico.