A presidenta do PP de Lugo, Elena Candia, dirixiuse aos mozos durante a clausura do encontro ‘Xuventude non Camiño’ celebrado este domingo en Portomarín para lembrarlles que “o PartidoPopular da provincia ten as portas abertas para todos aqueles que queiran coñecer o seu traballo e achegar as súas propostas para enriquecer ao partido”.
Para a popular, “os mozos representan o futuro da provincia e constitúen unha parte fundamental do proxecto do PP que está a sumar novos afiliados, tamén de menos de 30 anos, que demostran que hai xente nova con ganas de facer cousas e emprender proxectos vinculados ao territorio”.
Candia defendeu tamén “a importancia do Camiño de Santiago para a provincia” ao reunir valores sociais, culturais, ambientais e económicos.
