A Inspección Educativa da Xunta abriu un expediente para solicitar toda a información relativa ao esquecemento dun neno nun autobús escolar en Lugo e, “de ser o caso, depurará responsabilidades”.
Fontes da Consellería de Educación informaron a Europa Press que, tras ter coñecemento dos feitos ocorridos, a inspección “está a solicitar toda a información para analizar o ocorrido”.
Segundo publica este xoves o xornal ‘O Progreso, un menor de 4 anos quedou esquecido durante unha hora nun autobús escolar que o levaba a un colexio en Meira (Lugo) e, segundo este diario, o neno conseguiu saír polos seus propios medios pola porta do condutor, cando o vehículo estaba estacionado –a porta estaba pechada pero non bloqueada–.
O neno foi recollido por uns clientes dun establecemento hostaleiro e foi levado, segundo publica este xornal, por un veciño de Meira ata o Ceip Poeta Avelino Díaz de Meira.
Nun caso de esquecemento ocorrido nun bus escolar en Oleiros no outono de 2020, acabou por supor o cesamento da directora do centro educativo, unha decisión contra a que chegou a haber mobilizacións e peticións de responsabilidade á empresa concesionaria do transporte.
