O Bloque Nacionalista Galego (BNG) reclamou á Xunta que “negocie” coas compañías concesionarias do transporte público para que Lugo e o resto de localidades da provincia “non queden excluídas” das bonificacións adicionais.
A deputada nacionalista por Lugo Olalla Rodil advertiu de que esta provincia “queda fóra desta nova táboa de prezos con descontos”, o que “favorece o illamento” en materia de mobilidade e infraestruturas. As actuais bonificacións só aplícanse nas vilas e cidades pertencentes ao eixo atlántico, explica.
“Viaxar en bus entre Vigo e A Coruña terá un custo de 64 céntimos, pero o traxecto entre Lugo e Compostela será de case 5 euros, aplicando o desconto da Xunta”, puxo como exemplo.
Neste sentido, a deputada advertiu de que “non pode excluírse a Lugo destas medidas nin agraviar a unha cidadanía sobre outra“, polo que o BNG pide a “implicación” da Xunta para que as bonificacións anunciadas polas empresas para o eixo atlántico “tamén estean nas liñas” da provincia de Lugo, fronte ao “agravio continuado en infraestruturas”.
