A Policía Local de Lugo disolveu na madrugada do sábado unha pelexa que se formou entre catro persoas ás portas dun local de lecer nocturno da cidade.

En concreto, explicaron, ás 2,25 horas da madrugada do sábado foron requiridos na rúa Otero Pedrayo onde, segundo contaron os alertantes, estaba a producirse unha pelexa fronte a un establecemento de hostalaría.

Unha vez no lugar, os policías localizaron os presuntos implicados no incidente, dous dos cales tentaban escapar do lugar nun vehículo. Tratábase de dous irmáns, un dos cales presentaba unhas pequenas erosións na cara e unha rotura na camiseta que vestía.

Das outras dúas persoas, un home e unha muller, ela presentaba un pómulo arroibado e el ningunha lesión aparente.

Entre eles cruzábanse acusacións mutuas sobre agresións e insultos, polo que foron informados os pasos para seguir para a formalización das correspondentes denuncias.