Unha moza de 23 anos foi detida en Lugo por roubar a unha persoa e agredir cun puño americano a unha parella que intercedeu pola primeira vítima.
Os feitos, segundo trasladou este luns a Policía Nacional de Lugo, tiveron lugar na madrugada do xoves nun local de lecer nocturno situado na contorna da catedral.
Tras recibir a alerta, os axentes desprazáronse ao lugar e comprobaron que había dúas persoas que presentaban feridas na cara e aseguraban ser agredidos cun puño americano por unha muller.
Segundo o seu relato, esta parella intercedera ás portas do local por unha persoa que estaba a ser ameazada pola detida, quen xa roubara a outra vítima. A suposta agresora foi localizada minutos despois pola patrulla da Policía Nacional, que interveu o puño americano empregado pola moza nos feitos. Impútaselle un delito de roubo con violencia e lesións.
