Axentes da Policía Local de Lugo denunciaron a un condutor que foi sorprendido circulando sen carné, tras serlle retirado pola perda de todos os puntos.
Segundo informaron fontes municipais, nun control este luns, axentes deste corpo interceptaron a un condutor que circulaba nun turismo e ao que lle figuraba unha perda de vixencia do carné, tras perder todos os puntos. Por estes feitos, se intruyeron dilixencias de denuncia por un presunto delito contra a seguridade viaria.
Ademais, na mesma xornada foi sorprendido outro veciño ao volante dun coche, a pesar de que nunca obtivo o permiso de conducir, polo que tamén foi denunciado polo mesmo suposto delito.
A Policía Local de Lugo informou tamén doutras infraccións rexistradas nas últimas horas na cidade: varios coches que carecían da ITV en prazo regulamentario, un turismo circulando sen o seguro obrigatorio, o condutor dun patinete que levaba a un pasaxeiro e circulaba de noite sen iluminación nin pezas reflectoras, ou outro condutor que foi sometido a unha proba de alcoholemia e que arroxou un resultado positivo de 0,56 e 0,52 mg/l, polo que foi denunciado administrativamente.
