As fortes treboadas rexistradas na tarde do xoves deixaron unha decena de incidencias na cidade de Lugo, segundo os datos facilitados polo concelleiro de Medio Ambiente, Miguel Fernández.

Segundo Fernández, foron incidencias de “pouca importancia” que non ocasionaron nin danos materiais nin feridos”. As principais rexistráronse na Avenida Infanta Elena, en Camiño da Roca, na estrada de Meira, na saída da Fervedoira, na zona de Conturiz, na estrada que vai de Santa Corda ao Páramo, en Barbaín, na estrada de Ombreiro e en Fingoi.

Doutra banda, explicou que os servizos de limpeza están “desde primeira hora” limpando de forma integral as rúas da cidade para retirar as follas, papeis, así como o resto de residuos e da área que removeron os fortes ventos rexistrados”.