InicioSociedade30.000 plantas en flor enchen de cor prazas e rúas de Lugo

30.000 plantas en flor enchen de cor prazas e rúas de Lugo

Os traballos de axardinamento deron comezo esta semana e ampliaranse a un total de 26 contornas urbanas, 12 máis que en anos anteriores.

PUBLICADA O

- Advertisement -

A Concellería de Medio Ambiente ornamenta estes días as zonas verdes de toda a cidade con máis de 30.000 plantas en flor. Trátase de 18 variedades, entre as que destacan begonias, petunias, dahlias ou celosías, que tinguirán de cor os xardíns da capital e outros espazos públicos como prazas e mesmo rúas.

En total, este ano, a área que dirixe Miguel Fernández estenderá a campaña de primavera a un total de 26 localizacións, 12 máis que en anos anteriores, co obxectivo, segundo sinalou o propio edil, “de mellorar a estética de Lugo no seu conxunto e crear contornas vistosas que conviden ao desfrute destes emprazamentos tanto por parte da veciñanza como dos e das turistas que nos visiten”.

Os traballos, que teñen un tempo moi limitado para poder executarse debido aos condicionantes que impón a plantación, comezaron esta semana no Centro Histórico pero tamén en barrios como o da Piringalla.

A alcaldesa, Lara Méndez, explicou que “”este 2022 no que volvemos saír ás rúas xa sen restricións sanitarias e sen imitacións temporais, quixemos ser máis ambiciosos e ampliar a decoración floral e paisaxística daqueles puntos da capital que contan con espazos de esparexemento ou zonas comúns ás que a pandemia outorgou un valor engadido como lugares de socialización”.

Así, a renovación da decoración vexetal chegará por primeira vez ás prazas de Bretaña, Milagrosa, San Xoan, Agro do Rolo, Manuel María – Túnel do Oural e Fonte dos Ranchos; aos xardíns de San Roque, ás avenidas de Madrid e de Adolfo Suárez, á Ponte de Paradai, á Rolda Xosé Castiñeira e ás medianas da rúa Illa de Man.

ÚLTIMAS

O PPdeG acusa a PSOE e BNG de apostar pola privatización nas residencias de Lugo

O PPdeG acusa a PSOE e BNG dun "modelo privatizador" nas residencias da provincia...

Condenada por trapichear con dous gramos de cocaína en Lugo

A Audiencia Provincial de Lugo condenou a un ano e medio de cárcere a...

Detidos os dous membros dunha parella por agredirse mutuamente en Lugo

A Policía Local de Lugo detivo na madrugada do martes aos dous membros dunha...

Cae unha rede que extorsionaba homes en webs de citas sexuais

A Garda Civil detivo a unha persoa e investiga a outro catro acusadas de...