Inspección Educativa estuda unha denuncia de suposto acoso escolar presentada pola familia dunha nena que estuda primaria nun colexio da cidade de Lugo. Así o confirmaron a Europa Press fontes da Consellería de Educación que, no entanto, puntualizaron que ata a data “non hai ningún protocolo de acoso escolar” no centro no que está matriculada esta menor.
Segundo unha información publicada polo diario ‘El Progreso’ de Lugo, recollida por Europa Press, a nai da nena asegurou que as primeiras actitudes de acoso producíronse hai cinco anos e que esta situación se prolonga ata a actualidade sen que cesasen este tipo de comportamentos contra a súa filla.
A nai da vítima asegura, segundo recolle a mesma información, que a situación “está a causar grandes problemas psicolóxicos á nena” e afirma que desde que está en Primaria “danlle patadas, rómpenlle a roupa, quítanlle o material escolar” e mesmo “chegou con negróns nas pernas e tamén lle deron unhas puñadas”.
