Novos actos e campañas en favo da visibilidade feminia. A Fundación Taller de Solidariedade (TdS) organizou, días atrás e co financiamento da Xunta de Galicia, un quiz virtual que congregou a 700 estudantes de 18 centros de FP de Galicia sobre o empredemento feminino. O resultado do concurso deu como gañador claro ao Centro de Formación de Audiovisuais da Deputación de Lugo, ao que pertence o alumno con mellor resultado nas probas e que acumula, á parte, a maior porporción de respostas acertadas en menor tempo.

A conclusión do concurso desenvolto é que “se e está avanzando no coñecemento que ten a mocidade en materia de emprendemento feminino, “pero que aínda queda moito por facer”, como recoñece a integrante do grupo Bala, Ánxela Baltar, que xunto á compañeira de conxunto Violeta Mosquera conduciu o concurso.

O certame desenvolto a partir da popular web Kahoot deu como vencedor individual a Sergio Louzao Alonso, do nomeado centro de Lugo, a quen, en respostas correctas, seguiron Manuel Santomé Ferrín, do colexio San José da Guía –de Vigo– e Pablo Balseiro Nodon e Guido Julián Calvo, ambos do IES Urbano Lugrís da Coruña, que comparten terceiro posto.

Dende a organización detalla que a emisión tivo lugar en directo a través da canle de Youtube de Taller de Solidariedade o pasado 19 de novembro entre as 10:00 e as 11:00 horas, pero os centros que queiran conseguir o  Kahoot para xogar co seu alumnado poderán descargarllo a través desta ligazón da web de Taller de Solidariedade, onde estará dispoñible nos próximos días. Este evento enmárcase no programa de sensibilización e Educación para a Cidadanía Global Enredadas non Cambio, que  TdS puxo en marcha este ano en Galicia para “visibilizar as diferentes problemáticas que enfrontan as mulleres á hora de emprender a nivel internacional”.