InicioLugo e contornaLugoXulgan a un home acusado de asfixiar ao seu irmán, que padecía...

Xulgan a un home acusado de asfixiar ao seu irmán, que padecía minusvalía

A vítima tiña 45 anos.

PUBLICADA O

- Advertisement -

A Audiencia Provincial de Lugo celebrará desde o día 17 e ata o día 19 o xuízo, con xurado, dun home acusado de asfixiar ao seu irmán, que padecía unha minusvalía.

Segundo informa o Tribunal Superior de Xustiza de Galicia (TSXG), por un delito de homicidio, a Fiscalía pide, no seu escrito de cualificación dos feitos, unha pena de dez anos de prisión.

O acusado vivía no partido xudicial de Lugo co seu irmán, que padecía unha minusvalía do 65%. Fiscalía sinala que “en hora non determinada, pero en todo caso anterior ás 13,45 horas do día 23 de novembro de 2019, con ánimo de pór fin á vida do seu irmán, apertoulle o pescozo ata causar a súa morte, producíndose a mesma por asfixia mecánica por compresión”.

“Acto seguido, púxose en contacto telefónico coa Garda Civil comunicando os feitos”, engade o escrito do Ministerio Público. A vítima, no momento do falecemento, contaba con 45 anos e, como parentes, tiña ao seu pai, con quen non convivía e que non reclama por estes feitos e un irmán, que si o fai.

Fiscalía sostén que o presunto autor “tiña as súas facultades para comprender os seus actos e a vontade para decidirse a executalos intactas ao momento dos feitos, sendo plenamente consciente que coa súa acción acabaría coa vida do seu irmán”.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...