A Garda Civil detivo na localidade lucense de Palas de Rei a tres veciños de Lugo como presuntos autores dos roubos cometidos nunha estación de servizo e nun centro de mantemento de estradas. Segundo informou o Instituto Armado, ao tres individuos arrestados atribúeselles a presunta autoría dos delitos de furto, danos e roubo con forza.
Os feitos sucederon o pasado mes de setembro nunha estación de servizo e nun centro de mantemento de estradas, tras o que a Benemérita iniciou unha investigación policial. Como consecuencia das pescudas foron detidos como presuntos autores do feitos tres veciños de Lugo de 24, 41 e 42 anos de idade, indicaron as mesmas fontes. As tres persoas detidas en relación con estes feitos foron postas a disposición xudicial.
