A Deputación de Lugo achegará 50.000 euros para contribuír á ampliación do centro de día de Guitiriz, o que permitirá adaptar as instalacións para alcanzar a vintena de prazas e reducir a lista de espera.

O presidente, José Tomé Roca, asinou este venres no Pazo de San Marcos coa alcaldesa, Marisol Morandeira, o convenio que fixa esta colaboración económica para poder acometer os traballos.

O centro de día conta na actualidade con 12 prazas asistenciais para maiores e as obras de ampliación permitirán engadir outros 55 metros cadrados e dar resposta asistencial a un total de 20 usuarios.

O investimento total para esta actuación é de 71.825 euros, dos que a Deputación achega o 70%, mentres o Consistorio asume o 30% restante.

E.P.

+ postsBio ⮌

This author does not have any more posts