As residencias de maiores de Galicia manteñen 75 casos activos de Covid entre os seus usuarios tras rexistrarse nas últimas horas dez altas epidemiolóxicas e un falecemento, segundo os datos feitos públicos este xoves pola Consellería de Política Social.

Así, nas últimas horas non se rexistraron novos contaxos nos centros xeriátricos, pero notificouse o falecemento dun home de 64 anos de idade, usuario da residencia As Gándaras de Lugo. Por contra, curáronse do Covid 9 maiores da residencia García Hermanos de Betanzos e un usuario da residencia de San Estevo de Perlío en Fene.

Tras computarse estas variacións, quedan 37 casos de Covid entre os usuarios da residencia As Gándaras (o 49%); 23 na residencia San Vitorio de Baralla; 11 casos na residencia García Hermanos de Betanzos; 3 en Santa Marta de Vigo; e un en DomusVi Coruña de Oleiros.

CENTROS DE DISCAPACIDADE

Nos centros de discapacidade, o CAPD de Chapela-Redondela mantense como o único con casos de Covid, aínda que os afectados baixaron de 12 a 11 tras o falecemento dun usuario nas últimas horas, un home de 70 anos de idade que morreu no Complexo Hospitalario Universitario de Vigo.

E.P.

+ postsBio ⮌

• E.P.

  A xuízo un home por agresión sexual á súa exparella cando esta decidiu deixar a relación
• E.P.

  29N Francisco Conde encabeza a candidatura do PP lucense co obxectivo de traballar “pegados ao territorio”
• E.P.

  Deteñen un home por ameazar a dúas persoas cun cúter e unha navalla en Lugo
• E.P.

  O PSOE aposta por converter a estación de autobuses actual nunha residencia de maiores