Galicia suma, nas últimas 24 horas, outros 560 novos contaxios por covid. Aínda que os casos continúan subindo, fano a un ritmo máis lento –na última xornada foron 710– e, por primeira vez en semanas, móvense ao redor do medio centenar. As infeccións activas continúan, ademais, á baixa, con 10.878 (492 menos).
Segundo os datos publicados este domingo pola Consellería de Sanidade (con información solicitada ata as 18,00 horas deste sábado), sinalan que a taxa de positividade segue tamén á baixa e descende ata o 9,69%. Concretamente na área de Lugo, a presión hospitalaria estáncase nas 31 persoas ingresadas, cunha máis en unidades convencionais e unha menos na UCI.
Os casos novos soben en todas as áreas e a Lugo corresponden un total de 116. Tendo en conta esta cifra e tamén a de persoas que remataron a corentena, o número de persoas que se manteñen con infección activa na área de Lugo é de 1.232 (tres infeccións activas menos ca na xornada anterior).
No resto de áreas, a situación epidemiolóxica é a seguinte: lidera Santiago-Barbanza, con 127 novos contaxios; á que segue A Coruña, con 119; (Lugo, 116); Vigo, 73; Ferrol, 52; Ourense, 41; e Pontevedra, 32. Con respecto ao número total de persoas coa infección activa, este descendeu en Galicia ata os 10.878 casos (492 menos), e baixou en seis do sete áreas, só se incrementou na de Santiago-Barbanza, con 1.220 (+32).
