Axentes da Policía Local de Lugo interceptaron a un menor de 16 anos tras serlle interceptado un anaco de haxix despois de fuxir dos axentes que procedían a identificar a un grupo de mozos que facían botellón.
Segundo informou a Policía Local de Lugo, sobre as 20,00 horas do pasado mércores 5 de maio unha patrulla da Unidade Territorial de Policía de Barrio acudiu á rúa Otero Pedrayo porque levaba a cabo un botellón.
Os axentes, cando procedían á identificación dos mozos, viron a un deles saír á carreira, tras o que foi alcanzado por un dos policías aos poucos metros. Así, procedeuse á súa identificación e rexistro, no que lle acharon nun pequeno bolso que portaba un anaco de haxix de 1,5 gramos.
Tras serlle intervido o anaco de haxix, tramitouse acta denuncia por infracción grave á Lei de Protección da Seguridade Cidadá para a súa remisión á Subdelegación do Goberno. Leva unha multa de 601 a 30.000 euros.
As mesmas fontes policiais puntualizaron que este mozo resultou ser un menor de 16 anos, polo que se procedeu á identificación da nai, á que se lle informou dos feitos e fíxose cargo do seu fillo.
Por outra banda, a requirimento da Xefatura Provincial de Tráfico unha patrulla da Unidade Territorial de Policía de Barrio da Policía Local de Lugo procedeu este mércores pasado á intervención do carné de conducir dunha persoa, por acordarse a suspensión cautelar da citada autorización administrativa e transcorrer máis de dous meses e non constar que o interesado haxa acreditado que reúne as condicións psicofísicas necesarias para manter esa autorización.
