Novo incremento dos casos activos por coronavirus en Lugo, que este mércores 7 de abril alcanza os 145 diagnosticados de Covid-19 (+6 respecto de onte). O número de novos positivos detectados na última xornada é de 8.

Hai, iso si, unha lixeira melloría da presión asistencial, ao pasar de 11 a 10 ingresados. Deles, 3 están na Uci do Hula e os outros 7 están a ser atendidos en planta (5 no Hula, 1 na Mariña e outro en Monforte).

Dende o inicio da pandemia faleceron 212 persoas na provincia de Lugo, curáronse 11.749 curados e realizáronse 208.667 probas PCR.