A Deputación de Lugo impulsa a proxección internacional da provincia colaborando economicamente coa produción da segunda tempada de ‘O Sabor das Margaridas‘, a primeira serie galega incorporada á plataforma audiovisual Netflix, que se estrea este venres en todo o mundo, explica.
Nesta segunda tempada, a provincia de Lugo ten un papel protagonista ao aparecer como escenario paraxes lucenses como a Ribeira Sacra, o Pazo de Adai, no Corgo, ou a capital lucense.
O presidente da Deputación, José Tomé Roca, subliña que colaborar con esta serie, da produtora galega CTV, supón unha gran oportunidade para a proxección internacional da riqueza paisaxística e cultural da provincia. “É unha maneira moi efectiva de dar a coñecer a nosa terra, de incentivar o turismo”, asegura.
