Na provincia de Lugo hai 560 casos activos no sistema Viogen de protección das vítimas de delitos de violencia machista, dous deles de risco alto e 56 de risco medio, aínda que non hai ningún de risco extremo.
Así o explicou a subdelegada do Goberno na provincia, Isabel Rodríguez, que presidiu este luns a Comisión técnica provincial de coordinación en materia de violencia de xénero que analizou os delitos de machismo na provincia.
En total, engadiu, son 548 as vítimas rexistradas na provincia, das que 29 son usuarias do servizo telefónico de atención e protección ás vítimas ATENPRO e 21 están dadas de alta no dispositivo de control telemático.
A subdelegada, que lembrou a importancia de traballar coordinadamente na loita contra a violencia machista e na protección das mulleres que a sofren, aplaudiu a renovación dos convenios de colaboración co Ministerio do Interior dos concellos de Vilalba, Ribadeo e Burela, que regulan das policías locais do tres municipios coa Garda Civil para a protección das vítimas.
