Unha persoa resultou ferida este luns ao caerlle encima unha póla mentres tallaba árbores nun monte do concello de Lugo.

En concreto, segundo a información do CIAE-112 Galicia, o suceso tivo lugar sobre as 18:30 horas deste luns, cando efectivos do 061 solicitaban colaboración para rescatar a unha persoa que resultara ferida mentres realizaba traballos da parroquia de Ribas de Miño.

Aínda que o ferido non estaba atrapado, a vexetación e o estado do terreo dificultaban o paso da ambulancia medicalizada que se desprazou para evacualo. Así, foron mobilizados os Bombeiros de Lugo, así como efectivos de Protección Civil e de Policía Nacional.