- Advertisement -
Un total de sete persoas foron denunciadas pola Policía Local de Lugo por incumprir o toque de queda na madrugada deste xoves na cidade.
Diso informou o Concello lucense nun comunicado, no que sinala que as persoas foron sorprendidas circulando por rúas como a Avenida da Coruña, Santo Graal, Mar Cantábrico e Illas Cíes “a altas horas da madrugada”.
A Policía local, que explica que unha das denuncias se interpuxo pasadas as 3,00 horas da madrugada, lembra que o toque de queda está en vigor ata este xoves entre as 23,00 horas e as 6,00 horas. A partir do venres, adiántase unha hora, desde as 22,00 horas. Ademais, lembra que o seu incumprimento pode implicar multas de entre 601 a 30.000 euros.
