EFE | O presidente da Asociación Provincial de Empresarios de Hostalería e Turismo de Lugo (Apehl), Cheché Real, valorou o alivio nas restricións impostas polas autoridades sanitarias no municipio de lugo, que afecta fundamentalmente a este sector, como un “paso máis” para “traballar con alegría” e “obter uns ingresos como cómpre”.

Real precisou que, en todo caso, o sector segue pendente do levantamento do peche perimetral do municipio, porque a situación dos establecementos hostaleiros é “unha penuria” no municipio de Lugo.

Ademais, afirmou que este colectivo seguirá “insistindo” para que “a partir da próxima semana o toque de queda se estableza a partir da medianoite“, algo que ao seu xuízo “non tería relevancia desde o punto de vista sanitario”, pero podería resultar transcendental para a recuperación do sector. “Esa hora non supoñería nada sanitariamente, pero podería decantar a balanza á hora de que a xente se decida a saír a cear aos nosos establecementos”, precisou.

Real insistiu en que a hostalería está a cumprir de forma escrupulosa as normas sanitarias, polo que o sector espera, se a situación epidemiolóxica segue evolucionando positivamente, que a autoridades sanitarias abran a man “poder traballar” durante as festas do Nadal.