O exalcalde de Lugo José López Orozco mostrou o seu malestar polas negociacións do Partido Socialista para sacar adiante os Orzamentos Xerais do Estado e censurou a actitude de Podemos.
O que fora presidente do PSdeG durante o mandato de José Ramón Gómez Besteiro como secretario xeral publicou unha mensaxe en Twitter na que afea a actitude do líder de Podemos, Pablo Iglesias, e na que tamén fai referencia ás palabras coas que a voceira do PSOE, Adriana Lastra, quixo resolver as críticas dos baróns do PSOE polo acordo da formación con Bildu.
“Somos unha nova xeración á que toca dirixir o país e a dirección do PSOE”, sinalou Lastra nunha rolda de prensa en referencia ás discrepancias manifestadas por dirixentes como o expresidente estremeño Juan Carlos Rodríguez Ibarra ou o exvicepresidente Alfonso Guerra.
El presidente Sánchez (PSOE)y el Vice-Presi Iglesias (PODEMOS) presentan los presupuestos que ambas formaciones han pactado. Podemos y otras formaciones pactan una enmienda para modificarlos. No lo entiendo. Ah! Perdón es que gobiernan los jóvenes y los mayores tenemos que callar pic.twitter.com/GYEi2AGA2j
— José López Orozco (@jlopezorozco) November 18, 2020
