A provincia de Lugo non rexistra cambios na listaxe de concellos en alerta vermella por incidencia de coronavirus nos últimos sete días. Mantéñense neste grupo Vilalba, Cervo, Viveiro, Burela, Chantada e Lugo capital. Arredor deste último, o mapa de cores que ofrece a Xunta tínguese de amarelo; isto é, case todos os municipios limítrofes co concello de Lugo están en alerta amarela.
Outeiro de Rei, Castroverde, O Corgo e Guntín presentan datos que os colocan neste nivel 1 de alerta. Nestes lugares detectáronse entre 7 e 14 casos positivos na última semana. De entre os concellos lindeiros coa capital, só se libran Friol e Castro de Rei, que seguen sen ter activa ningunha alerta.
Amais destes municipios, tamén teñen alerta amarela Monterroso, Palas de Rei, Carballedo, O Valadouro e Foz.
En cambio, no grupo de concellos con alerta laranxa (entre 14 e 21 casos nos últimos sete días) permanece Monforte e súmase Sarria.
