O presidente da Deputación de Lugo, José Tomé, tachou de “intolerable” a actitude da multinacional Alcoa tras facer público a decisión de executar o despedido colectivo de 524 traballadores e iniciar o apagado das cubas de electrolisis na planta de aluminio.
“O tempo de xogar terminou“, sinalou o tamén alcalde de Monforte en declaracións difundidas aos medios este venres despois de coñecerse o paso dado pola compañía estadounidense.
Tomeé instou á Xunta e ao Goberno do Estado a traballar de forma conxunta para “tomar as medidas xurídicas que permita a lexislación” para impedir “as pretensións” de Alcoa e que poida manterse a actividade e os postos de traballo da planta.
Todo iso para “manter viva a Mariña, a provincia de Lugo e Galicia” desde o punto de vista industrial, dixo o presidente provincial, que trasladou o seu apoio aos traballadores e alcaldes da comarca mariñá.
