InicioSociedadeA piques de abrir o prazo para optar a un dos 15...

A piques de abrir o prazo para optar a un dos 15 contratos xuvenís da Deputación

O soldo mínimo é de 950€. Pódense presentar os mozos e mozas de entre 16 e 32 que residan nos concellos menos poboados da provincia.

PUBLICADA O

- Advertisement -

De peón forestal a fontaneiro, pasando pola hostalaría. Dende o luns vindeiro mozos e mozas da provincia poderán optar a un dos 15 empregos remunerados que ofrece a Deputación como parte do plan de emprego xuvenil “Prende!”. Segundo destacan dende o órgano provincial, os postos están orientados a mozos e mozas de entre 16 e 30 anos dos 58 concellos con menos poboación da provincia, xa que un dos obxectivos da iniciativa é “fixar poboación” nestes entornos.

O prazo para presentar solicitude permanecerá aberto ata o 2 de outubro. A primeira remesa de empregos inclúen15 postos repartidos entre os seguintes perfís profesionais: 1 peón forestal, 2 axudantes de camareiro, 1 fontaneiro, 4 peóns de gandería, 2 camareiro e 1 administrativo, 1 peón agrícola, 1 bodegueiro e 1 oficial de gandería. A remuneración será dun mínimo de 950€ mensuais.

Poderán concorrer aos contratos mozos e mozas de entre 16 e 30 anos de idade, inscritos no Sistema Nacional de Garantía Xuvenil, e empadroados nos 58 concellos lucenses que teñen menos de 5.000 habitantes ou entre 5.000 e 10.000 cun saldo demográfico negativo na última década. Poden inscribirse todas as persoas que cumpran cos requisitos, aínda que terán prioridade os participantes na primeira fase do programa Prende!

Unha vez que remate o prazo de inscrición, a Axencia de Colocación da Deputación fará unha preselección dos perfís que mellor se adapten ás ofertas de traballo, para que, finalmente, sexan as empresas as que seleccionen o aspirante ao emprego.

ÚLTIMAS

Seguen hospitalizados 3 dos 6 intoxicados con deterxente nunha pulpería de Lugo durante o San Froilán

Tres das seis persoas que tiveron que ser ingresadas a pasada fin de semana...

Ratifican sete meses de cárcere para unha nai de Lugo que impediu visitas ao seu fillo por parte dos avós

O Tribunal Supremo confirmou a condena a unha muller de Lugo por un delito...

Finalizan as obras para mellorar o sistema de saneamento do Cebreiro

A Confederación Hidrográfica do Miño-Sil (CHMS), organismo autónomo dependente do Ministerio para a Transición...

Aprobada a licenza urbanística para ampliar as instalacións da protectora de animais

O Concello de Lugo completou este mércores o proceso administrativo necesario para legalizar e ampliar as...