- Advertisement -
Axentes da Unidade Territorial de Policía de Barrio denunciaron a un home de 44 anos que transitaba sen máscara acompañado doutras persoas pola rúa San Roque en Lugo.
Segundo informou a Policía Local de Lugo, o home denunciado “non facía uso da máscara obrigatoria” sen estar dentro de “ningunha das causas de excepción contempladas legalmente”.
Por outra banda, axentes do Grupo Operativo Nocturno tramitaron acta-denuncia a un establecemento que se atopaba aberto ao público na rúa Sierra de Ancares, cando a licenza que lle ampara está catalogada como de lecer nocturno.
No momento de proceder á identificación da encargada do local, esta manifestou aos axentes que o seu xestor lle informou de que podía abrir o local.
