“Eu sabíache moitos cantares. Antes cantabamos seguido: cando iamos á sega, cando iamos á feira…”. Morreu o rei dos brindos, o rei dos romances. Antonio Río Montero, o Ribeira de Louzarela, marchou coa súa música aos 94 anos.
O Ribeira era un dos últimos representantes dun estilo musical que estivo a piques de desaparecer e que colleu pulo nos últimos anos grazas, sobre todo, a homes como Antonio Río. Kike Estévez, filólogo e profesor e impulsor da aCentral Folque, e autor do monográfico O Ribeira da Louzarela, brindador da dentro destacaba hai uns meses neste xornal as orixes destes cantos e a importancia de figuras como a do Ribeira.
“Antes era unha profesión que tiña moitos seguidores, era como ter un título. Agora os máis novos xa non queren seguir e é unha pena”, lembraba o Ribeira de Louzarela que chegou a ser moi coñecido en toda Galicia.
Os brindos e os romances tiveron moito pulo en tempos pasados e o Ribeira de Louzarela é o mellor exemplo diso. De feito, o Ribeira, con noventa e tres anos de Antonio Río, non tiña impedimento ningún en improvisar os seus brindos como se ve neste vídeo do é-brindo.
